مجلس الإدارة الاصطناعي

في الفترة الأخيرة شفت فكرة جدًا مثيرة للاهتمام اسمها LLM Council، والفكرة ببساطة تعتمد على شيء إحنا متعودين عليه في حياتنا: “مجلس الإدارة”.

تخيل معاي إن عندك مجلس إدارة خاص فيك، تقدر تسأله أي سؤال أو تاخذ رأيه في أي قرار. كل شخص في هذا المجلس له طريقة تفكير مختلفة، فيهم اللي يحلل، وفيهم اللي يبدع، وفيهم اللي يركز على التفاصيل. يبدأ النقاش بينهم، كل واحد يطرح رأيه، ينتقد الثاني، ويحلل كلامه… وفي النهاية يجي رئيس المجلس ويعطيك القرار الأفضل بناءً على كل هذا النقاش.

طيب، الآن تخيل إن هذا المجلس مو ناس… بل نماذج ذكاء اصطناعي.

هذا بالضبط اللي اشتغل عليه Andrej Karpathy أحد مؤسسي OpenAI سابقاً. بدل ما تستخدم نموذج واحد مثل ChatGPT أو Gemini وتحاول تقرر أيهم أفضل، الفكرة هنا إنك تستخدمهم كلهم مع بعض كأنهم فريق. كل نموذج يجاوب على سؤالك بطريقته، وبعدها يبدأ الجزء المثير: كل نموذج يقيم إجابات النماذج الثانية، ينتقدها، ويحدد نقاط القوة والضعف فيها.

بمعنى آخر، النموذج ما يكتفي إنه يجاوب… بل يبدأ يفكر في جودة الإجابات الأخرى أيضًا.

بعد ما تنتهي هذه المرحلة، يجي دور “رئيس مجلس الإدارة” أو الـ Chairman، وهو نموذج يأخذ كل الإجابات والتقييمات ويطلع لك بإجابة نهائية تكون مبنية على تحليل جماعي، مو مجرد رأي واحد.

خلينا ناخذ مثال بسيط: لو سألت عن “أفضل طريقة تبدأ فيها مشروع في مجال الذكاء الاصطناعي”، ممكن نموذج يعطيك خطوات عملية، نموذج ثاني يركز على الأفكار الإبداعية، وثالث يحذرك من الأخطاء. لما هذول الثلاثة يقيمون بعض، النتيجة النهائية تكون أقوى بكثير من أي إجابة فردية.

وهنا تكمن قوة الفكرة. لأن أحد أكبر مشاكل نماذج الذكاء الاصطناعي إنها أحيانًا تكون واثقة جدًا وهي غلط، أو تعطيك إجابة من زاوية واحدة فقط. لكن لما تحط أكثر من نموذج في نفس النقاش، تقل احتمالية الخطأ، وتزيد جودة النتيجة بشكل واضح.

الشيء اللي شدني أكثر إن الفكرة مو مجرد نظرية، Karpathy فعليًا سوّى implementation بسيط لها ونشره على GitHub، وتقدر تجربها بنفسك:

https://github.com/karpathy/llm-council

اللي خلاني أفكر فعلًا هو إن هذا ممكن يكون اتجاه مهم في المستقبل. بدل ما نبحث عن “أفضل نموذج”، يمكن نبدأ نبني “أفضل فريق نماذج”. نفس فكرة الفرق البشرية، مو لازم شخص واحد يكون ممتاز في كل شيء، لكن الفريق المتكامل يقدر يوصل لنتائج أقوى بكثير.

والأجمل إن الفكرة مو معقدة لدرجة إنها تكون حكر على الشركات الكبيرة. أي شخص مهتم يقدر يجرب ويبني شيء مشابه، ولو بشكل بسيط.

يمكن في النشرة الجاية أتكلم عن كيف ممكن تطبق الفكرة بنفسك 👀